«Milan» himoyachisi Kristian Sapata «Inter»ga (2:2) qarshi o‘yindan so‘ng o‘z fikrlarini aytdi.
Kolumbiyalik futbolchi so‘nggi soniyalarda gol urib, jamoasini mag‘lubiyatdan qutqarib qolgandi.
«Qo‘limdan kelgan barcha ishni qildim va so‘nggi soniyalarda to‘pni darvozaga yo‘llashga ulgurdim.
Derbi juda samarali o‘tdi. Har ikkala jamoa yaxshi o‘ynadi. Durang – adolatli natija bo‘ldi.
Biz taslim bo‘lmadik va oxirigacha kurashdik. Yigitlar «Milan» sha’nini himoya qilishdi. Jamoa to‘g‘ri yo‘ldan bormoqda.
Yevrokuboklarga yo‘l olishimiz mumkin. Bugungi o‘yin shuni ko‘rsatib berdi» - dedi Sapata.
