“Барселона”ни дастлабки учрашувда йирик ҳисобда мағлубиятга учратган “Ювентус” ҳужумчиси Гонсало Игуаин туринликларнинг кейинги босқичга чиқиш имкониятлари ҳақида гапириб ўтди.

“Учта тўп фарқидаги ғалаба бизни кейинги босқичда дегани эмас, биз энди меҳмонда ўйнаймиз, осон бўлади дея олмайман.

“Барселона” ПСЖга қарши учрашувда қандай жамоа эканлигини исботлади. “Ювентус” барча кичик деталларга эътиборли бўлиши ва асосийси кўп гол ўтказиб юбормаслиги керак”, - дейди Игуаин.

Эслатиб ўтамиз, “Барселона” – “Ювентус” учрашуви бугун Тошкент вақти билан 23:45 да старт олади.