«Реал» клуби собиқ бош мураббийи Бернд Шустер Испания чемпионатининг 33-тури доирасида бўлиб ўтадиган «класико»да «Реал» ғалаба қозониши мумкин деб ҳисоблайди.
«Барча футболчилар "эл-класико"да иштирок этишга ҳаракат қилишади. "Барселона" Чемпионлар лигасидан чиқиб кетганидан аламда, аммо улар майдонга чиққанида, буни ҳеч ким сезмайди. "Реал" Испания чемпионати пешқадами бўлиб қолади. Мағлубият эса "Барса"ни чемпионликдан маҳрум қилади. Албатта, Неймарнинг майдонга тушмаслиги — каталонияликлар учун катта йўқотиш. Бу ўйинда "Реал"ни фаворит деб баҳолайман», — деди Шустер.
Эслатиб ўтамиз, "Реал" - "Барселона" баҳси 23 апрель куни 23:45да бошланади. Ўйинни Алехандро Эрнандес бошчилигидаги ҳакамлар бошқариб боришади.