Каталониянинг «Барселона» клуби ярим ҳимоячиси Хавьер Маскерано жамоадан кетишни режалаштирмаяпти. Sport нашри хабарларига кўра, футболчи мавсум якунига қадар жамоада қолади.
Аргентиналик футболчи бошқа жамоалардан келган таклифларни кўриб чиқмасликларини сўраб, раҳбариятга мурожаат ҳам қилган.
Олдинроқ Хавьер жамоани тарк этиши ҳақида хабарлар тарқалганди.
Маскеранонинг «Барселона» билан шартномаси 2019-йилга қадар мўлжалланган. Ҳозирда унга «Галатасарой» клубидан қизиқиш бўлмоқда, аммо футболчи бу таклифни кўриб чиқишга ҳам кўнмаган.
