Испания чемпионатининг 33-турида "Реал" - "Барселона" учрашуви 185та мамлакатда трансляция қилинади, умумий телеаудитория 650 миллион кишидан ортади, дея хабар беради AS.
Ўйинни турли мамлакатлардан келган 200 дан ортиқ ОАВ бевосита ёритиб боради, учрашувга 600 дан ортиқ журналист аккредитация қилинган.
"Класико"ни 40 дан ортиқ камера тасвирга олади, шу жумладан 4К тасвирли камералар ҳам.
Ижтимоий тармоқларда #ElClasico теги 1 миллиард марта ишлатилиши кутилмоқда.
Бундан ташқари, Испания Примераси "Твиттер" билан биргаликда "Барселона" ва "Реал" ўйинчиларини тасвирловчи эмодзилар чиқарди. Роналду, Бензема, Рамос, Месси, Суарес ва Пике ўз шахсий смайлларига эга.
"Реал" (Мадрид) — "Барселона" учрашуви бугун, 23 апрель куни соат 23:45да бошланади.