Испания матбуоти Испания чемпионатининг 33-турида "Барселона"дан учралган мағлубиятдан (2:3) сўнг "Реал" устози Зинедин Зиданни танқид остига олишди.
Баъзи нашрлар мағлубиятда француз мутахассиси бош айбдор деб ҳисобламоқда.
Жумладан, AS газетаси жароҳати сабабли бир ҳафта ўйнамаган Гарет Бэйлнинг асосий таркибда туширилишини қоралаган. Уэльслик футболчи натижада биринчи бўлимнинг ўзида мускулидан жароҳат олиб майдонни тарк этди. Шунингдек, газетаниг ёзишича, Зидан барча масалани ҳал қилган "Барса" ҳужумчиси Лионель Мессини қуролсизлантиришни ўйламаган.
Marca газетаси эса яримҳимоячи Исконинг майдонга тушмаганига тушунмаган. Иско охирги ўйинларда ўзини ҳар томондан яхши кўрсатаётган эди. Нашрнинг фикрича, танаффусдан сўнг Зидан ққўллаган схема жамоанинг иккинчи бўлимдаги ўйинларига ёмон таъсир қилган.
Sport.es нашри эса Зиданда тактик ҳозиржавоблик йўқлигини ёзган.
