"Реал" бош мураббийи Зинедин Зидан ўз жамоаси ва "Барселона"нинг Испания чемпионлигини қўлга киритиш имкониятлари ҳақида ҳар ким ўз фикрига эга бўлишини киноя қилди.
Мадридликлар 33-турда ўз майдонларида каталонияликлардан 2:3 ҳисобида мағлуб бўлдилар.
"Ҳар ким ўз фикрини билдиришга ҳақлию Биз эса фақат олдинда турган "Депортиво" билан ўйин ҳақида ўйлаяпмиз. нди "Барселона" чемпион бўлади ва "Реал" ҳеч нарсага арзимайди. Аммо мен бундай эмаслигини биламан.
Мен ўйинчиларимдан шу пайтгача қилиб келган ишларимизни ўзгартирмасликларини сўрайман, холос. Биз олдинга интилишда давом этамиз" - дейди Зидан.
"Реал" ва "Барселона" бир хил - 75 очкога эга бўлиб турибдилар, аммо мадридликлар захирасида битта ўйин бор. Бугун "Реал" "Депортиво" меҳмони бўлади.
