«Чикаго Файр» яримҳимоячиси Бастиан Швайнштайгер «Манчестер Юнайтед» ҳужумчиси Златан Иброҳимовичнинг фаолиятини АҚШда давом эттириши керак деб ҳисобламоқда.
«Шубҳасиз, бундай футболчилар MLS чемпионатига фойда келтирган бўларди. У майдонда жуда кўп меҳнат қиладиган ҳақиқий профессионалдир.
Баъзан у омманинг эътиборини қозонишга атайин ҳаракат қилаётгандек туюлади. Аммо мен билан бирга ўйнаган футболчилар орасида у энг яхшисидир. У мени ҳайратда қолдирган» - деди Швайнштайгер Sport1 хабарида.