"Манчестер Юнайтед" клуби "Барселона" ҳужумчиси Неймарнинг шартномасида кўрсатилган 200 миллион евро товон пулини тўлашга тайёр, дея хабар беради Daily Record.
Манчестерликлар жамоа ҳужумчиси Златан Ибраҳимовичнинг узоқ муддатга сафдан чиққани муносабати билан янги ҳужумчи излашга тушганлар.
Манбага кўра, "қизил иблислар" Неймарнинг маош борасидаги талабларини ҳам қондиришга тайёрлар. Бразилиялик футболчи ўтган йилнинг октябрида каталонияликлар билан шартномасини 2021 йилгача узайтирган эди.
25 ёшли футболчи ушбу мавсумда "Барселона"да 26 ўйин ўтказиб, 9 та гол урган ва 9 та голга тўп оширган.
