"Ювентус" бош мураббийи Массимилиано Аллегри Италия чемпионатида "Аталанта" билан учрашув (2:2) хулосалари билан ўртоқлашди.
"Баҳона излашдан маъно йўқ, у ёрдам бермайди. Натижа ўйинни акс эттириб турибди. "Аталанта" биринчи бўлимда биздан атлетизм борасида устун бўлди, танаффусгача бирон бир яккакурашда ютиб чиққанимизни эслай олмайман. Иккинчи бўлимда йигитлар ўйинни ўзгартириб юборишди, аммо ўйин сўнгида ўзларига хос бўлмаган тарзда гол ўтказиб юбордилар.
Натижа ўйланишга туртки беради, чунки чоршанба куни биз "Аталанта"га ўхшаган жамоа - "Монако" билан ўйнаймиз. Иккинчидан, скудетто масаласи ҳамон очиқлигича қолмоқда, биз гаҳамон 7 очко зарур.
Пенальти бўлганини ҳамма кўрди, аммо буни бизга бермадилар. Бироқ "Ювентус" охирги дақиқаларда гол ўтказиб юбориши керак мас. Бунга баҳона йўқ", - дейди Аллегри.
