«Ас-Садд» яримҳимоячиси Хави «Тоттенҳэм» футболчиси Деле Алли ҳақида гапирмаган.
Аввалроқ, The Sun нашрида Хавининг у ҳақдаги гаплари чоп этилганди. Унда футболчи Деле Аллини «Ман Сити» клубига ўтиши ҳақида сўзлаганди. Шундан сўнг, лондонликлар устози Почеттино Хавини ўзига душман деб эълон қилган эди. Футболчи эса бу гапларни айтганини инкор қилганди.
The Sun нашри бу интервьюнинг тўқима эканини тан олиб, Хавидан узр сўради.
«Биз бу интервьюни мустақил журналистдан олган эдик. Кейинчалик вазиятга ойдинлик киритдик. Хави ва ўқувчиларимиздан узр сўраймиз» - дейилади нашр баёнотида.
