Европа лигаси ярим финалидан ўрин олган "Аякс" ҳамда "Лион" ўртасидаги учрашув ўз поёнига етди.

Ўйин мезбонларнинг йирик ғалабаси билан тугади. Дастлаб, ўйиннинг 25-дақиқасида Траоре ҳисобни очди. Орадан 9 дақиқа ўтиб, Дольберг орадаги фарқни иккитага етказди.

49-дақиқада эса ҳисоб йириклашди гол муаллифи Юнес. 66-дақиқада "Лион" Вальбуэнанинг голи эвазига битта жавоб қайтара олишди.

Аммо Траоре 71-дақиқада дублини расмийлаштириб, ўйинга нуқта қўйди.

4:1 "Аякс"нинг ғалабаси.

Аякс Голландия – Лион Франция 4:1 (2:0)

3 май, «Амстердам Арена»

Голлар: 1:0 – 25 Траоре, 2:0 – 34 Дольберг, 3:0 – 49 Юнес, 3:1 – 66 Вальбуэна, 4:1 – 71 Траоре.

Аякс: Онана, Санчес, Ридевалд, Тете, Зиеш, де Лигт, Шене (ван де Бек, 71), Классен, Юнес (Клюйверт, 79), Траоре, Дольберг (Нерес, 88).

Лион: Антони Лопеш, Нкулу, Морель, Жалле (Рафаэл, 69), Диакаби, Вальбуэна, Тузар (Геззаль, 58), Корне (Ляказетт, 76), Толиссо, Фекир, Гоналон.

Огоҳлантиришлар: де Лигт (30), Гоналон (41), Траоре (62).