«МЮ» бош мураббийи Жозе Моуриньо Европа лигасининг яримфиналидан ўрин олган «Сельта» клубига қарши ўйиндан олдин ўз фикрларини айтди.

«Европа лигаси - «МЮ» ғолиб чиқмаган ягона мусобақа эканини биламан. Клуб барча совринларга эга бўлиши учун бу ишни амалга оширишни истайман.

Бу биз учун нафақат яхши натижа, балки бу билан Чемпионлар лигасига ҳам қайтишимиз мумкин бўлар эди. Айни пайтда Европа лигаси биз учун АПЛдан муҳимроқ.

«Сельта»га қарши бизни муҳим ўйин кутмоқда. Ундан сўнг хулосаларни чиқариб оламиз» - деди Моуриньо Goal хабарида.

"Сельта" – "Манчестер Юнайтед" ўйини 4 май куни ўтказилади.