«MYU» bosh murabbiyi Joze Mourinyo Yevropa ligasining yarimfinalidan o‘rin olgan «Selta» klubiga qarshi o‘yindan oldin o‘z fikrlarini aytdi.
«Evropa ligasi - «MYU» g‘olib chiqmagan yagona musobaqa ekanini bilaman. Klub barcha sovrinlarga ega bo‘lishi uchun bu ishni amalga oshirishni istayman.
Bu biz uchun nafaqat yaxshi natija, balki bu bilan Chempionlar ligasiga ham qaytishimiz mumkin bo‘lar edi. Ayni paytda Yevropa ligasi biz uchun APLdan muhimroq.
«Selta»ga qarshi bizni muhim o‘yin kutmoqda. Undan so‘ng xulosalarni chiqarib olamiz» - dedi Mourinyo Goal xabarida.
"Selta" – "Manchester Yunayted" o‘yini 4 may kuni o‘tkaziladi.
