Аргентина футболининг тирик афсонаси Диего Марадона «Наполи» клубини бошқариши ҳақидаги саволга жавоб берди.
1984-1991 йилларда у айнан шу жамоа таркибида ўйнаган эди.
«Одамлар талаб қилса, «Наполи»ни бошқаришга тайёрман» - деди Марадона Amici хабарида.
«Наполи» таркибида Диего Марадона икки марта Италия чемпиони, бир мартадан мамлакат Кубоги ва Суперкубоги соҳиби бўлган. Шунингдек УЕФА кубогида ғалаба қозонган.
Мураббий сифатида у «Текстил Мандиа», «Расинг Авельянеда», «Ал-Васл» ва Аргентина терма жамоаларида ишлаган.
