"Манчестер Юнайтед" ҳимоячиси Дэйли Блинд Европа лигаси яримфиналининг биринчи учрашувида "Сельта" устидан қозонилган ғалабадан сўнг (1:0) фикрларини билдирди.
"Мен "Аякс"нинг "Лион" устидан қозонган ғалабасини кўрдим. Бу фантастик натижа. Уларнинг ўйинини кўришдан хурсанд бўлдим, стадиондаги муҳит ҳам ажойиб бўлди. Ман ҳали ҳам амстердамликман ва "Аякс" билан фахрланаман. Улар билан финалда учрашиш ёқимли бўлар эди.
Ўзимизнинг ўйинга келсак, сафарда 1:0 - яхши натижа. Биз финал сари яхши қадам қўйдик, аммо бу финалга чиқдик дегани эмас.
Марказий ҳимоячи позициясида яхши ўйнадим. Бутун жамоа ҳам", - дейди Блинд.
