Хитой чемпионатидан ўрин олган «Шанхай СИПГ» - «Гуйчжоу Чжичэн» (3:0) ўйинидан сўнг можаро юз берди.

Меҳмон жамоа вакилларидан бири маҳаллий журналистларнинг саволларига жавоб берар экан, танаффус пайтида шанхайликлар ҳужумчиси Халк «Гуйчжоу» мураббийларидан бирига ҳужум қилганини айтди.

Бошқа маълумотларга кўра, бразилиялик у билан айтишиб қолган. Аммо, қайси тилда экани номаълум, Халк Хитой тилини билмайди. Кузатув видеокамералари эса жанжални ёки ҳужумни қайд этмаган. Агар можаро юз берган бўлса ҳам, у фақат айтишувдан иборат бўлиши мумкин.

Шанба куни ўтказилган ўйинда Халк бир гол уриб, яна бир голга ҳаммуаллифлик қилган эди. Унинг жамоаси чемпионатда иккинчи ўринда бормоқда.