Бугун Премьер Лиганинг марказий учрашувида “Арсенал” ўз майдонида “Манчестер Юнайтед”ни қабул қилади.
Икки клуб таркибида “таъқиқланган чегара”ни кесиб ўтган футболчилар талайгина. Goalнашри ҳар иккала жамоа либосида ҳаракат қилган футболчиларни эслаб ўтди.
Рўйхат эса қуйидагича кўриниш олган:
Жорж Грэҳем, “Арсенал” сафида 1966-1972 йилларда 227 учрашувда майдонга тушиб 60 гол муаллифига айланган бўлса, кейинчалик “Манчестер Юнайтед” сафида 2 мавсум (1972-1974 йиллар) ҳаракат қилган. “Қизил иблислар” сафида Грэҳем 43 ўйинда майдонга тушган ва атиги 2 гол урган. Энг яхши даврини албатта, “Арсенал” сафида ўтказган.
Браян Кидд “Арсенал”да 1974-1976 йиллар оралиғида ҳаракат қилган. Ушбу вақт мобайнида 77 баҳсда иштирок этган ва 30 бор рақиб дарвозасини аниқ нишонга олган. “Тўпчилар” сафига келмасидан олдин Кидд 1967-1974 йилларда “Манчестер Юнайтед” шарафини ҳимоя қилган. “МЮ” сафида эса Кидд 203 марта майдонга тушган ва 52 голга муаллифлик қилган. Энг яхши даври сўзсиз “Манчестер Юнайтед”га тўгри келади.
Фрэнк Степлтон “Арсенал” сафида 1974-1981 йилларда ҳаракат қилган. Лондон жамоаси учун 300 учрашувда қатнашиб, 108 гол ура олган. Фаолиятининг кейинг даврини Манчестер жамоасида (1981-1987 йиллар) ўтқазган. Манчестер шаҳри жамоаси учн Степлтон 288 учрашув ўтқазган ва 78 гол урган. Энг яхши даври “Манчестер Юнайтед”да бўлган.
Вив Андерсон эса “Арсенал”да 1984-1987 йилларда ҳаракат қилиб, жамоа учун 120 учрашувда 9 голга муаллифлик қилган. “Манчестер Юнайтед”да 1987-1991 йилларда ўйнаган. Клуб учун 54 учрашувда 3 гол ура олган. Энг яхши даврини “Арсенал”да ўтқазган.
90 йиллар Англия футболи билан таниш мухлисларимиз Энди Коулни яхши танишса керак. Энди Коул 1989-1992 йилларда “Арсенал” жамоаси шарафини ҳимоя қилган. Бу вақт оралиғида 1 марта ўйинга тушган. Гол уриш учун эса бу камлик қилган. Кейинчалик эса “тўпчилар”нинг азалий рақиби “Мначестер Юнайтед” сафига келиб қўшилган. Коул у ерда 1995-2001 йиллар оралиғида ҳаракат қилган. 195 баҳсда қатнашган Энди Коул рақиблар дарвозасига 93 гол урган. Энг яхши даврини “қизил иблислар” сафида ўтқазган.
Дэвид Платт “Арсенал” сафида 3 мавсум (1995-1998 йиллар) ҳаракат қилган. 88 учрашувда 13 гол кирита олган. Ундан аввал эса “Манчестер Юнайтед” сафида 1982-1985 йилларда ҳаракат қилган. Бироқ Манчестерда унинг ишлари кўнгилдагидек кечмаган. Жамоа учун бирорта ўйинда ҳам иштирок эта олмаган. Энг яхши даври табиийки, “Арсенал”га тўғри келади.
Франциялик ҳимоячи Микаэл Силвестр “Арсенал”да ўйнагунига (2008-2010 йиллар) қадар “Манчестер Юнайтед” сафида 1999-2008 йилларда ўйнаган. “МЮ” учун 249 учрашув ўтказган ҳимоячи энг яхши даврини айнан Манчестер клубида ўтқазган.
Голландиялик футболчи Робин Ван Перси “тўпчилар” либосида 2004-2012 йилларда ҳаракат қилган. “Арсенал” учун 194 учрашувда 96 гол кирита олган. 2012 йилда эса футболчи тўғридан-тўғри “Манчестер Юнайтед” сафига келиб қўшилади. 2012-2015 йилларда Манчестерда ҳаракат қилган Ван Перси 86 учрашувда 48 гол ура олган. Энг яхши даври “Манчестер Юнайтед” сафида.
Дэнни Уэлбек ҳам икки клуб сафида ўйнаган футболчилар сирасидан. “Манчестер Юнайтед”да 2008-2014 йилларда ўйнаган ҳужумчи 92 учрашувда 20 голга муаллифлик қилган. 2014 йилда Лондон жамоаси сафига келиб қўшилган ҳужумчи ҳозирча 46 баҳсда иштирок эта олган. Бу вақт ичида Уэлбек 20 бор рақиб дарвозабонларини хафа қилган. Энг яхши даври “Манчестер Юнайтед” сафига тўғри келади.
