«МЮ» ҳужумчиси Златан Иброҳимовичнинг агенти Мино Райола мижозининг тикланиб олиш жараёни ҳақида хабар берди.
«Иброҳимович Питтсбургда жарроҳлик амалиётини ўтади. Энди у шифохонада даволанади. Златаннинг тиззаси шифокорларни ҳайратга солди. Улар бунақа кучли тиззаларни ҳеч қачон кўрмаганини айтишди. 20 йиллик фаолиятдан сўнг бундай тиззаларга эга бўлиш – нотабиий ҳол.
Шифокорлар ундан фаолиятини тугатгач, келиб тиззасини кўрсатишини илтимос қилишди. Чунки уларда тизза ва унинг пайлари билан шуғулланадиган илмий-тадқиқот институти бор экан» - деди Райола Expressen хабарида.
