"Нефтчи" бош мураббийи Андрей Фёдоровнинг бир неча бор таъкидлашича, у жамоа ўйинидан қониқиш ҳосил қилаётган эмиш. Нега қониқиш ҳосил қилади???
Европада жамоаси йирик ҳисобда ғалаба қозонганда ҳам мураббийлар ўйиндан тўла қониқмаганини айтишади. Бизнинг мураббийимиз-чи? Шунча мағлубиятлар, ўз майдонидаги шармандали тарзда ўйиннинг сўнгги дақиқаларида ҳисобни ушлашга ҳаракат қилишлар, 90 дақиқа давомида дарвозага аниқ зарба бермаслик, баъзида 9-10 киши бўлиб ҳимояланиб ҳам гол ўтказвориш, ауйтсайдер жамоаларга қарши учрашувларда ҳам иккинчи рақам остида тўп тепиш, жисмоний толиқиш, мухлисларга нисбатан бетарбиялик, вазиятни тўла тушуниб етмаслик, тактика ва селекция ишларида савиянинг пастлиги фақат ва фақат жаноби олийлари бўлмиш Фёдоров сиз қониқиш ҳосил қиляпсиз, холос.
Фарғоналик мухлислар сиздан норози, сиз ўйинчилик ва мураббийликни бир-биридан тўла фарқлаб олсангиз яхши бўларди. Бутун жамоа ва вилоят номига масъуллигингизни унутманг. Мухлислар клубимиз номига бунақанги ЛОЙ чаплаб туришингизга қаршимиз.
