Бокс бўйича Осиё чемпионати якунига етгач Ўзбекистон терма жамоаси мураббийи Раҳматжон Рўзиоҳунов ўзининг турнир ҳақидаги фикрлари билан ўртоқлашди.
“Бизнинг ғалабаларга эришганимизга сабаб авваламбор юртимизда спортга, боксга берилаётган эътибор бўлди. Бунинг учун Ўзбекистон Бокс Федератсиясига миннатдорчилик билдирамиз. Бундан ташқари Тошкентда ўтган турнир давомида бизни қўллаб-қувватлаб турган барча юртдошларимизга миннатдорчилик билдираман. Боксчилар, мураббийлар ва умуман бутун терма жамоа бир ёқадан бош чиқариб ишладик ва ушбу натижага эришдик. Эндиликда олдимизда турган Жаҳон чемпионатида ҳам муносиб иштирок этиб ғалабалар билан юртимизга қайтишга ҳаракат қиламиз,” – деди Рўзиоҳунов.
