Boks bo‘yicha Osiyo chempionati yakuniga yetgach O‘zbekiston terma jamoasi murabbiyi Rahmatjon Ro‘ziohunov o‘zining turnir haqidagi fikrlari bilan o‘rtoqlashdi.
“Bizning g‘alabalarga erishganimizga sabab avvalambor yurtimizda sportga, boksga berilayotgan e’tibor bo‘ldi. Buning uchun O‘zbekiston Boks Federatsiyasiga minnatdorchilik bildiramiz. Bundan tashqari Toshkentda o‘tgan turnir davomida bizni qo‘llab-quvvatlab turgan barcha yurtdoshlarimizga minnatdorchilik bildiraman. Bokschilar, murabbiylar va umuman butun terma jamoa bir yoqadan bosh chiqarib ishladik va ushbu natijaga erishdik. Endilikda oldimizda turgan Jahon chempionatida ham munosib ishtirok etib g‘alabalar bilan yurtimizga qaytishga harakat qilamiz,” – dedi Ro‘ziohunov.
