"Атлетико" бош мураббийи Диего Симеоне ЕЧЛ яримфиналида "Реал"га қарши жавоб учрашувидан сўнг (2:1, биринчи ўйин - 0:3) фикрларини билдирди.
"Биз қойилмақом рақиб билан ўйнадик. "Атлетико" биринчи ўйинда ўз ишини жуда қийинлаштириб олган эди, аммо бугунги ўйин биз нима учун бир неча йилдан буён Европанинг энг кучли жамоаларига рақобатчи бўлаётганимизни кўрсатиб берди. БУ ноодатий ўйин бўлди, футболчиларим бор кучларини сарфладилар.
Диего Годин ва Габини клонлаштириб бўлмаслиги ачинарлидир. Улар фаолиятларини "Атлетико"га бағишладилар. Биз зўр ўйнадик, аммо Исконинг голи умидларимизни чиппакка чиқарди. Биз омадга ишонгандик ва мақсадимизга яқин келгандик, аммо Кейлор Навас бугун яхши ўйнади", - дейди Симеоне.
