"Ювентус" бош мураббийи Массимилиано Аллегри Италия чемпионатида "Рома"дан учралган мағлубият (1:3) ҳақида гапирди.
"Биринчи бўлимни яхши ўтказдик, ҳар икки жамоа жуда тажавузкор ўйин кўрсатди. Танаффусдан сўнг қарши ҳужумда ғалати гол қўйиб юбордик.
Ўйлашимча, биз диққат-эътиборни йўқотдик, ҳамма иш бажарилди деб ўйладик. "Аталанта" ва "Торино" билан дуранглар, бугунги мағлубият бизга диққат-ътибор етишмаётганини кўрсатди. Италия кубоги финали олдидан огоҳ қўнғироғини олдик.
Биз "Рома" билан, А сериянинг иккинчи жамоаси билан ўйнадик. Бундай ўйинларда ҳамма нарса содир бўлиши мумкин", - дейди Аллегри.
Чемпионат тугашига икки тур қолганида "Ювентус" чемпионлик пойгасида "Рома"ни тўрт очкога ортда қолдирмоқда.
