Италия кубоги соврини қўлга киритилгандан сўнг “Ювентус” бош мураббийи Массимилиано Аллегри чемпионатнинг кейинги турида “Кротоне”га қарши учрашув ҳақида фикр билдирди.
Эслатиб ўтамиз, агар туринликлар ушбу учрашувда ғалаба қозонишса, Италия “А” серияси чемпионига айланишади.
“Биринчи бўлимда юзага келган имкониятлардан унумли фойдаландик, иккинчисида яхши ҳимоялана олдик.
Олдимизда “Кротоне”га қарши учрашув бор, биз айнан шу учрашувдан сўнг чемпионатда ғолибликни расмийлаштиришни режалаштирганмиз.
Ушбу ўйин натижаси мавсумдаги барчасини ҳал қила олади. “Лацио” билан бўлиб ўтган учрашувдаги кайфиятни ушлай олсак, ўйлайманки ғалаба қозониш учун шунинг ўзи кифоя бўлади”, — дейди Аллегри.
