Italiya kubogi sovrini qo‘lga kiritilgandan so‘ng “Yuventus” bosh murabbiyi Massimiliano Allegri chempionatning keyingi turida “Krotone”ga qarshi uchrashuv haqida fikr bildirdi.

Eslatib o‘tamiz, agar turinliklar ushbu uchrashuvda g‘alaba qozonishsa, Italiya “A” seriyasi chempioniga aylanishadi.

“Birinchi bo‘limda yuzaga kelgan imkoniyatlardan unumli foydalandik, ikkinchisida yaxshi himoyalana oldik.

Oldimizda “Krotone”ga qarshi uchrashuv bor, biz aynan shu uchrashuvdan so‘ng chempionatda g‘oliblikni rasmiylashtirishni rejalashtirganmiz.

Ushbu o‘yin natijasi mavsumdagi barchasini hal qila oladi. “Lasio” bilan bo‘lib o‘tgan uchrashuvdagi kayfiyatni ushlay olsak, o‘ylaymanki g‘alaba qozonish uchun shuning o‘zi kifoya bo‘ladi”, — deydi Allegri.