Бразилиянинг «Шапекоэнсе» клуби самолёти билан яна бир можаро юз берди.
Либертадорес кубогининг гуруҳ босқичидан ўрин олган «Ланус» (1:2) клубига қарши ўйиндан қайтиб келаётган жамоа самолёти Порту-Алегри шаҳри аэропортига фавқулодда қўнишга мажбур бўлди. The Sun хабарига кўра, Шапеко шаҳри аэропортидаги ноқулай об-ҳаво шароити туфайли, кема капитани шу ҳақда қарор қабул қилган. Шундан сўнг, жамоа уйига автобусда қайтган.
Эслатиб ўтамиз, 2016 йил ноябрь ойида, Колумбияда юз берган авиаҳалокатда «Шапекоэнсе» клубининг деярли барча аъзолари нобуд бўлган эди.
