Олий лига 11-туридан ўрин олган "Бухоро"-"Навбаҳор" (3:3) учрашувидан сўнг Неманья Йованович ўз фикрларини айтди.

- Аввало учрашув ҳақидаги фикрларингиз билан ўртоқлашсангиз.
- Тўғриси, бугун ҳам жамоамиз қийин учрашув ўтказди. Ғалаба қозонишимиз ҳам мумкин эди. Лекин бунга ҳакамлар тўсқинлик қилишди. Умуман олганда, мезбонлардан яхши ўйнаб дурангга эришдик. Учрашувнинг иккинчи бўлими жуда ҳайратланарли ўтди.

- "Навбаҳор" билан ҳам ярим йилга шартнома тузганмисиз?
- Бу ҳақда тўхталмоқчи эмасман. Барчасини вақт кўрсатади. Ўзимга қолса "Навбаҳор"да мавсумни тугатмоқчиман.

- Бугунги дублингиз билан Олий лигадаги голларингиз сонини 26 тага етгандингиз.
- Статистикага унча аҳамият бермайман. Муҳими жамоам керакли натижага эришса бас.