Россиялик миллиардер Алишер Усманов Лондоннинг «Арсенал» клуби акцияларининг назорат пакетини сотиб олмоқчи.

63 ёшли тадбиркор айни пайтда акцияларнинг 30,04 фоизига эгалик қилади. Уларнинг 67 фоизи америкалик Стэн Кронкега тегишли.

Усманов акцияларнинг қолган қисмини қўлга киритиш учун Кронкега 1,3 млрд доллар таклиф қилган. Аввалроқ, Кронке ўз қўлидаги акцияларни 2 млрд долларга баҳолаган эди. Ҳозирча у Усмановнинг таклифига расмий жавоб бермаган. Аммо, унга яқин бўлган одамларнинг гапига қараганда, Кронке акцияларни ҳеч кимга сотмоқчи эмас.

Алишер Усманов «Арсенал»га якка хўжайинлик қилишни анчадан буён орзу қилади. У аввалроқ бир неча марта акцияларнинг назорат пакетини қўлга киритишга уриниб кўрган эди.