«Манчестер Сити» бош мураббийи Хосеп Гвардиола жамоанинг келгуси режалари билан ўртоқлашди.
«Биз «Реал» ва «Барселона» даражасига чиқиб олишимиз учун вақт керак бўлади. Аммо ишончим комил, келаси йили янада кучаямиз.
«Реал» ва «Барселона»нинг бирор футболчини қўлга киритиши жуда осон. Бунда пул эмас, клубнинг номи биринчи даражали аҳамиятга эга. Бунга эришиш учун ўнлаб йил керак бўлади.
Серхио Агуэро ва Венсан Компани? Ҳар иккаласи ҳам келаси мавсумда биз билан бирга бўлади. Компани аввалги йилларда жамоанинг чемпион бўлишига катта ҳисса қўшган. Агуэрога майдонда маъқул келадиган нуқтани топиб беришимизга тўғри келади» - деди Гвардиола Sky Sports хабарида.
