Ўзбекистон кубогидан ўрин олган "Нефтчи" - "Навбаҳор" баҳсидан аввал, наманганликлар ҳимоячиси Жаҳонгир Меҳмонов ўйин ҳақида фикр билдирди.

"Асли наманганлик бўлсамда, Фарғона мен учун иккинчи уйим, қадрдон масканимга айланиб қолган. "Нефтчи"дек қадрдон жамоага қарши, фарғоналик ишқибозлар кўз ўнгида ўйнаш мен учун осон эмас. "Нефтчи" мухлисларига хурматим чексиз. "Нефтчи" клубидаги фаолиятим давомида жамоа мураббийларидан тортиб ходимларигача яхши муносабатда эдим. Фарғона жамоасидан кетган бўлсамда, клуб қайд этаётган натижаларга бефарқ эмасман. Албатта "Нефтчи"нинг бу йилги кўрсаткичлари мухлисларни ранжитиши табиий ҳол. Бироқ бу вазиятни вақтинча деб биламан. Ҳали "Нефтчи" ўз сўзини айтади. Дербига келадиган бўлсак, бу футбол! Яшил майдонда хар қандай воқеа кузатилиши мумкин. Хар бир профессионал футболчи каби мен ҳам ўйин куни ўз жамоам натижаси учун курашаман. "Нефтчи"ни ҳам "Навбаҳор"ни ҳам фақат ғалаба қониқтиради. Ишқибозларни қизиқарли дерби кутяпти. Натижа борасида олдиндан нимадир дейиш қийин", - деди Меҳмонов.