"Арсенал"нинг собиқ ҳужумчиси Тьерри Анрининг фикрича, "Манчестер Юнайтед" бош мураббийи Жозе Моуриньо яримҳимоячи Поль Погбадан тўғри фойдаланмаяпти.
"Погба учун мавсум оғир келди. Моуриньо ундан тўғри фойдаланмаяпти. Погба жуда ортда ўйнамоқда, аслида у олдинроқда ёки бўлмаса чап қанотда ўйнаб ўрганган. Агар Поль ортда ўйнаса, бу чизиқ унинг имкониятларини чеклаб қўяди. Футболчи ўта қиммат суммага сотиб олинган экан, одамлар доим уни кузатадилар ва биринчи имкониятдаёқ танқид қилишга тушадилар.
Ўйлайманки, Погбанинг "МЮ"даги иккинчи мавсуми ёрқинроқ бўлади. Поль биринчи мавсумда кўрсатганидан кўпроғига қодир", - дейди Анри.
