"Реал"нинг собиқ яримҳимоячиси Луиш Фигу жамоа бош мураббийи Зинедин Зиданнинг ишига юқори баҳо берди. Фигу франциялик мутахассис билан ўз вақтида мадридликлар сафида бирга ўйнаган.
"Реал"дай клубда ҳамма футболчиларнинг кўнглини олиш қийин. Гап энг юқори маҳоратли ўйинчилар ҳақида кетмоқда. Футболчилар ҳар доим ўйнашни истайдилар, агар камроқ майдонга тушадиган бўлсалар, норозилик билдирадилар.
Зидан мураббий бўлади деб ўйламаган эдим. Аммо у ўз ишини аъло даражада уддаламоқда. Бундан яхшироқ ишлаш мумкин эмас. Унинг дўсти сифатида у "Реал"ни узоқ вақт бошқаришига умид қиламан", - дейди Фигу.
