Англиялик мутахассис Сэм Эллардайс кутилмаганда футболни тарк этишга қарор қилди.
62 ёшли мутахассис «Кристал Пэлас» клубини тарк этди ва мураббийлик фаолиятини якунлашга қарор қилди.
«Англия терма жамоасидаги можародан сўнг, обрўмни тиклаб олиш имкониятини берган «Кристал Пэлас»га миннатдорчилик билдираман. Биз АПЛда қолдик, натижада бошимни баланд тутган ҳолда кетмоқдаман.
Ҳозирча кучим бор ва мен саёҳат қилмоқчиман, оилам, невараларим билан кўпроқ вақт ўтказмоқчиман. Футбол мураббийига қилинадиган босимдан халос бўлмоқчиман» - деди Эллардайс «Кристал Пэлас» клуби расмий сайтида.
Эллардайс фаолияти давомида АПЛнинг 6та клуби (Болтон, Ньюкасл, Блэкберн, Вест Ҳэм, Сандерленд, Кристал Пэлас) билан ишлаган ягона мураббийдир.
