Россияда ўтказиладиган Конфедерациялар кубоги-2017 мусобақаси ТВ орқали намойиш этилмаслиги мумкин.
Мусобақа бошланишига бир ойдан камроқ вақт қолди, аммо Россия телеканалларидан ҳеч бири мусобақани намойиш қилиш ҳуқуқинингжуда қимматлигини рўкач қилиб, уни сотиб олмаган.
Бу ҳақда «Матч ТВ» телеканалининг футбол трансляциялари бош муҳаррири Валерий Карпин шундай деди: «Бугунги кунга келиб, Россия телеканаллари Конфедерациялар кубогини намойиш қилиш ҳуқуқига эга эмас. Мусобақа бошланишига эса бир ойдан камроқ вақт қолди. Ҳозирча, турнирнинг қандай намойиш қилиниши ҳақида тасаввурга эга эмасман. Балки фақат Россия терма жамоасининг ўйинларини намойиш қилармиз, билмадим» - деди Карпин.
Эслатиб ўтамиз, Конфедерациялар кубоги - 2017 мусобақаси 17 июнь куни старт олади.
