"Аякс" бош мураббийи Петер Бош Европа лигаси финалида "Манчестер Юнатйед"дан учралган мағлубиятдан сўнг фикрларини билдирди.
"Албатта хафаман. Финалда ғалаба қозониш учун ўйнайдилар. Бугун буни уддалай олмадик. Бугун ўзим билган, доим пресинг қиладиган "Аякс"ни кўрмадим. Прессинг қилиб бўлмади, чунки "МЮ" таваккал қилмади ва узоқ масофали паслар билан ўйнади. Зерикарли футбол бўлди. Ҳар икки томонда ҳам яхши имкониятлар деярли бўлмади.
Тўпни осон йўқотдик, тўп тепганимизда - зарбаларимиз ёпилди. Бундай даражада шаклланган жамоага қарши ўйнаш қийин бўлди. Айниқса, иккинчи бўлимда. "МЮ"ни табриклайман", - дейди Бош.
