"Манчестер Юнайтед" бош мураббийи Жозе Моуриньо Европа лигаси финалида "Аякс" устидан қозонилган ғалабадан сўнг (2:0) еврокубок финалларида унинг жамоалари ҳисобда олдинда борган ҳолда доим ғалаба қозониши ҳақидаги саволга жавоб берди.

"Агар ҳозир сизга жавоб берсам кейинги финалда танаффусгача 0:3 ҳисобида ютқазишим ва ҳал қилувчи ўйинларга бўлган муносабатим ўзгариши мумкин. Айтишим мумкинки, мен финалдаги рақибларимга катта ҳурмат билан қарайман, уларни ўрганаман ва ўйинчиларим ҳам уларнинг кучли томонларини ҳурмат қилишларига ҳаракат қиламан. Ўйинчиларимга рақибнинг кучсиз томонларини тушунтиришга ҳаракат қиламан.

Менинг барча финалларимни умумлаштирсак, қачонлардир ютганман, қачонлардир мағлуб бўлганман, аммо менинг жамоам ҳеч қачон рақибга юқоридан қарамаган", - дейди Моуриньо.