"Женоа" хўжайини Энрико Прециози А серияда ўрнини сақлаб қолинганига қарамасдан клубни сотмоқчи, дея хабар беради Football Italia.
Клубнинг янги эгалари "Лидс"нинг собиқ хўжайини Массимо Челлино ва "Милан"нинг собиқ вице-президенти Адриано Галлиани бўлиши мумкин.
Челлино ушба ҳафтада "Лидс"ни италиялик тадбиркор Андреа Радриццанига сотди. Галлиани эса хитойлик инвесторлар келганидан сўнг ўзи 30 йил ишлаган "Милан"ни тарк этди.