"Манчестер Юнайтед" бош мураббийи Жозе Моуриньо Формула-1 пойгасининг Монакодаги босқичига ташриф буюрди.
Португалиялик мутахассисни Red Bull Racing жамоаси таклиф қилди ва у пилотлар Макс Ферстаппен ва Даниэл Риккардо билан учрашди.
"МЮ" устози Англия кубоги финали уни қизиқтирмаслигини айтди.
"Бир ой футболга қизиқмайман. Бугун Англия кубоги финали, шунингдек, Испания, Германия мамлакатларида кубок финаллари борлигини биламан. Аммо менга ҳозир мутлақо фарқи йўқ. Менга ҳатто натижалар ҳам қизқимас. Ҳозир футболдан бутунлай узилиб, бошқа нарса билан шуғулланишнинг - оила ва дўстлар даврасида завқ олиш вақти. Бу менга керак", - дейди Моуриньо.
