"Интер" ва "Манчестер Сити" клубларининг собиқ устози Роберто Манчини "Рома" ҳужумчиси Франческо Тотти билан бир жамоада ишламаганидан афсусда эканини айтди.

"Тотти кўп нарсага эришди. Франческо 2006 йилги жаҳон чемпиони ҳисобланади. Биз ақлбовар қилмас натижа ҳақида гапиряпмиз. Биз қойилмақом ўйинчи, феномен ҳақида агпиряпмиз. Кўп болалар ундан илҳомланишган.

Франческо — фантастик ўйинчи. У бутсасини михга иладиган даврда ҳам ўйнай олишини исботлади. Шундай дейман: мен унга устозлик қилмаганимдан афсусланаман. Бу менга ёққан бўлар эди", - дейди Манчини.