"Милан" раҳбарияти жамоа посбони Жанлуижи Доннарумманинг шартномасини узайтириш учун музокара олиб бормоқда.
18 ёшли дарвозабон ва унинг агенти Мино Райола бугун Монте-Карлода миланликларнинг спорт директори Массимилиано Мирабелли билан учрашдилар.
"Милан" футболчи учун таклиф қилинган маошни оширди. Клуб аввалги 2,5 миллион ўрнига 4,5 млн евро йиллик маош тўлашга тайёрлигини билдирди.
Доннарумма ва Райола янги шартларни кўриб чиқиш учун бир неча кун муҳлат олдилар. Улар келишувга товон пулини ҳам киритмоқчилар.
