"Milan" rahbariyati jamoa posboni Janluiji Donnarummaning shartnomasini uzaytirish uchun muzokara olib bormoqda.
18 yoshli darvozabon va uning agenti Mino Rayola bugun Monte-Karloda milanliklarning sport direktori Massimiliano Mirabelli bilan uchrashdilar.
"Milan" futbolchi uchun taklif qilingan maoshni oshirdi. Klub avvalgi 2,5 million o‘rniga 4,5 mln yevro yillik maosh to‘lashga tayyorligini bildirdi.
Donnarumma va Rayola yangi shartlarni ko‘rib chiqish uchun bir necha kun muhlat oldilar. Ular kelishuvga tovon pulini ham kiritmoqchilar.
