"Манчестер Юнайтед"нинг собиқ бош мураббийи сэр Алекс Фергюсоннинг фикрича, футбол томошабинни зериктирмслиги керак.

"Бугун қарши ҳужумга асосланган усул кўп рол ўйнамоқда.

Майдонларнинг ҳолати бугун аъло даражада ва футболчиларнинг хавфсизлигига катта эътибор беримоқда. Буларнинг бари сиз кўраётган нарсалар билан тўлдирилмоқда, томоша қизғин бўлиб бормоқда.

Ўйлашимча, бизда тмомшабинларни зериктирмасликдек мажбурият, қарз бор. Биз хушнуд қилишимиз шарт бўлган омма борлигини эслаб туришимиз керак.

Менинг "МЮ"даги фаолиятимда энг асосийси ҳисобда олдинда бориш эди. Агар 4:3 бўлса - о кей, 5:4 - о кей. Менинг охирги ўйиним 5:5 ҳисобида тугаган эди. Менинг "Юнайтед"даги охирги ўйинимда бундан ортиғини тилаб бўлмасди", - дейди шотландиялик мутахассис.