«Реал» президенти Флорентино Перес яримҳимоячи Хамес Родригес ва «Манчестер Юнайтед» дарвозабони Давид Де Хеанинг трансфери ҳақида гапирди.

«Де Хеа – ажойиб дарвозабон, аммо у «МЮ» футболчиси. Унинг қаерга ўтишини билмайман, фолбин эмасман.

Хамес ҳам зўр футболчи, аммо жамоамизда рақобат кучли... Умуман олганда, ҳеч кимни қўйиб юбормаган бўлардим. Зидан билан бу ҳақда гаплашиб оламиз, у Хамеснинг тақдирини ҳал қилади» - деди Перес.

Аввалроқ, «Реал» Хамесни 42 млн еврога «Интер»га сотмагани, «МЮ» эса Де Хеа учун мадридликлардан 92 млн евро сўрагани ҳақида хабарлар чиққан эди.