Kicker нашри Бундеслиганинг ўтган мавсумдаги энг яхши футболчиларини аниқлаш бўйича сўровнома ўтказди.

Германия чемпионатида иштирок этувчи 248 нафар профессионал футболчи иштирок этган сўровнома якунига кўра, «Бавария» ҳужумчиси Роберт Левандовски 25% овоз тўплаб, Бундеслиганинг энг яхши футболчиси деб топилди. У Наби Кейта («РБ Лейпциг», 15,7%), ва Пьер-Эмерик Обамеянгни («Боруссия» Д, 10,5%) ортда қолдиришга муваффақ бўлди.

«Бавария» посбони Мануэль Нойер энг яхши дарвозабон деб топилди. 31 ёшли футболчи сўровномада Тимо Ҳорн (Кёльн) ва Руне Ярстейнни (Ҳерта) ортда қолдирди.