Олий лиганинг 12-туридан сўнг, Ўзбекистон миллий терма жамоасининг ЖЧ-2018 саралашидаги иштироки туфайли қисқа танаффус юзага келди.
Ундан унумли фойдаланиш мақсадида, “Бухоро” навбатдаги турга пухта ҳозирлик кўриш учун Тошкентда йиғин ўтказмоқда. Йиғин давомида футболчиларнинг ўйин амалиётини меъёрда ушлаб туриш мақсадида битта назорат учрашуви ташкиллаштирилади.
Эртага, яъни 9 июнь куни “Бухоро” Тошкентнинг “Обод” жамоаси билан ўртоқлик учрашуви ўтказади.
Эслатиб ўтамиз, олий лиганинг 13-тур доирасида “Бухоро” ўз майдонида Тошкентнинг “Локомотив” жамоасини қабул қилади. Учрашув 15 июнь куни бўлиб ўтади.