«Барселона» клубининг инсайдер твиттер саҳифаларидан бири хабарига кўра, дастлабки трансфернинг амалга оширилишига жуда яқин қолди.

Каталония клуби ўнг қанот ҳимоя чизиғини кучайтириш мақсадида, «Бенфика» ҳимоячиси Нелсон Семеду билан шартнома имзолашга тайёр турибди.

Бу ўринга «Арсенал» ҳимоячиси Эктор Бельерин ҳам мўлжалланаётган эди. Аммо унинг нархи жуда қимматлиги боис, трансферини амалга ошириш мушкул бўлади.

Аввалроқ, «Бенфика» Семеду учун 40 млн евро сўраган эди. Футболчига «Манчестер Сити», «Манчестер Юнайтед», «Бавария», «Интер» ва «Севилья» ҳам қизиқиш билдирган.