"Челси" ҳужумчиси Диего Костанинг "Милан"га ўтиш ишлари тўхташи мумкин дея хабар беради telegraph.
Хабарга кўра, испаниялик футболчи Италияда ҳафтасига 230 минг евро ишлаб топмоқчи, "Милан" эса унга бунча пулни тайёр эмас.
Агар "Челси" футболчини "Милан"га ижарага бериб, маошининг бир қисмини тўлашга рози бўлса, вазият ўзгариши мумкин.
"Милан" яна Андреа Белотти ("Торино") ва Николай Калинич ("Фиорентина") каби футболчилар вариантини ҳам ўрганмоқда. Бу футболчилар талаб қилаётган маош суммаси "Милан"га оғирлик қилмайди.
Аввалроқ, "Челси" бош мураббийи Антонио Конте ўз режаларига Диего КОстанинг кирмаслигини маълум қилган эди.
