Германия терма жамоаси бош мураббийи Йоахим Лёв Конфедерациялар кубоги учун олиб келган таркибига изоҳ берди.
«Мавсум давомида жуда кўп ўйин ўтказган футболчилар чарчаб қолган. Конфедерациялар кубоги ташкилотчиларининг норозилигини яхши тушуниб турибман. Аммо улар барча юлдузларимизни келаси йили кўришади.
КК-2017 мусобақасида қандай натижа кўрсатишимиздан қатъий назар, бу таркибнинг истиқболи бор. Балки бир ёки уч йилдан сўнг, бу иштирок бизга ёрдам бериши, футболчилар фаолиятида муҳим босқичга айланиши мумкин», – деди Лёв.