Germaniya terma jamoasi bosh murabbiyi Yoaxim Lyov Konfederasiyalar kubogi uchun olib kelgan tarkibiga izoh berdi.

«Mavsum davomida juda ko‘p o‘yin o‘tkazgan futbolchilar charchab qolgan. Konfederasiyalar kubogi tashkilotchilarining noroziligini yaxshi tushunib turibman. Ammo ular barcha yulduzlarimizni kelasi yili ko‘rishadi.

KK-2017 musobaqasida qanday natija ko‘rsatishimizdan qat’iy nazar, bu tarkibning istiqboli bor. Balki bir yoki uch yildan so‘ng, bu ishtirok bizga yordam berishi, futbolchilar faoliyatida muhim bosqichga aylanishi mumkin», – dedi Lyov.